Library Rules and Regulations

നിയമാവലി

• അഭിവന്ദ്യ മാർ സെബാസ്റ്റ്യൻ വയലിൽ പിതാവിന്റെ പൗരോഹിത്യ സുവർണ്ണജൂബിലി സ്മാരകമായി സ്ഥാപിച്ചിട്ടുള്ള ഈ ലൈബ്രറിയുടെ പേര് 'ബിഷപ്പ് വയലിൽ ലൈബ്രറി' എന്നായിരിക്കും.

• രൂപതാദ്ധ്യക്ഷൻ ഈ ലൈബ്രറിയുടെ പരമാധികാരിയാണ്. അദ്ദേഹം നിയമിക്കുന്ന ഡയറക്ടറും ലൈബ്രേറിയനുമായിരിക്കും ലൈബ്രറിയുടെ ചുമതല വഹിക്കുന്നത്. 

പ്രവർത്തിസമയം

• തിങ്കൾ മുതൽ ശനി വരെ - 09.00 am മുതൽ 05.00 pm വരെ

• ഞായർ അവധി

• മറ്റു അവധി ദിനങ്ങൾ - റിപ്പബ്ലിക് ഡേ, പെസഹാവ്യാഴം, ദുഃഖവെള്ളി, ദുഃഖശനി, മെയ്ദിനം, ദുക്റാന, സ്വാതന്ത്ര്യദിനം, ഓണം(3 ദിനങ്ങൾ), ജൂബിലി തിരുനാൾ, ക്രിസ്മസ്.

ലൈബ്രറിക്കുള്ളിൽ...

• പൂർണ്ണ നിശബ്ദത പാലിക്കുക. മറ്റുള്ളവർക്ക്ശല്യമാകുന്ന രീതിയിൽ പ്രവർത്തിക്കാതിരിക്കുക.

• വായിക്കാനെടുക്കുന്ന മാസികകൾ യഥാസ്ഥാനത്തു തിരികെവയ്ക്കാൻ ശ്രദ്ധിക്കുക. പുസ്തകങ്ങൾ ഉപയോഗശേഷം ടേബിളിൽ തന്നെ വയ്ക്കുക; ആ വിവരം ലൈബ്രേറിയനെ അറിയിക്കുക.

• നിങ്ങളുടെ വസ്തുവകകൾ ലൈബ്രറിക്കുള്ളിൽ പ്രവേശിപ്പിക്കുവാൻ പാടില്ല. കയ്യിലുള്ള ബാഗ്, കുട മുതലായവ ലൈബ്രേറിയനെ സൂക്ഷത്തിനേൽപ്പിക്കുക. പേന, പേപ്പർ, ലാപ്ടോപ്പ്, വാട്ടർബോട്ടിൽ എന്നിവ ഉപയോഗിക്കാം. 

• സ്വന്തം പഠനപുസ്തകം ലൈബ്രറിയിൽ ഉപയോഗിക്കണമെങ്കിൽ ലൈബ്രേറിയന്റെ അനുവാദത്തോടെ രെജിസ്റ്ററിൽ രേഖപ്പെടുത്തിയശേഷം മാത്രം ഉപയോഗിക്കുക. തിരിച്ചു പോകുമ്പോൾ ലൈബ്രേറിയനെ കാണിച്ചു ബോധ്യപ്പെടുത്തുക. 

• ലൈബ്രറിയിലെ പുസ്തകങ്ങൾക്ക് കേടുപാടുകൾ വരുത്തുന്നതു (പേപ്പർ കീറുക, മടക്കുക, പേന പെൻസിൽ മുതലായവ ഉപയോഗിച്ച് അടയാളപ്പെടുത്തുക, തുടങ്ങിയവ) ശിക്ഷാർഹമാണ്.

• ലൈബ്രേറിയൻ സന്ദർഭാനുസരണം നൽകുന്ന നിർദ്ദേശ്ശങ്ങൾ പാലിക്കാൻ ലൈബ്രറിയിൽ പ്രവേശിക്കുന്നവർ ബാദ്ധ്യസ്ഥരാണ്.